雲林元長傳承花磚文化 共刻做粿模.做紅龜粿
綜合報導
發布時間：
更新時間：
目次
雲林元長鄉有一个西莊社區，舊年共庄內一寡老厝的花磚圖樣，整理出冊，今年閣發揮創意，共花磚的圖，刻做粿仔模，印佇紅龜粿頂懸，真有傳承文化的意義。
共炊好的紅龜粿捀上桌，看起來蓋好食款，詳細共看、印佇紅龜粿頂頭的圖樣竟然攏無仝款，這寡印花磚圖樣的紅龜粿，是雲林元長鄉西莊社區的創意。
社區長輩講:「算講食到遮濟歲矣，沒有用過這個，覺得好像是新的嘗試，也覺得說好像我又重新學到一樣技術。」、「印起來按呢就袂ﰴ矣，足ﱂ矣，以前咱印的是攏紅的紅龜，這馬是幾若項，幾若款。」
西莊社區攏總有106款花磚圖樣，社區共整理做一本冊，介紹每一塊花磚的意思，因為花磚有吉祥的意義，社區閣揣木雕師傅來教序大刻做8款無仝圖樣的粿模，提來做紅龜粿。
木雕師傅蔡敏男講:「花磚透過木雕來呈現，更好看，更有立體性，我們都是讓學員自己去挑他們比較喜歡的圖案，下去去刻，這樣比較有意思。」元長鄉公所社造中心組長蘇育正講:「五年千歲欲到囉
，家家戶戶要做紅龜粿，我們就是把這些印有社區圖騰或是花磚的這些粿模，做成紅龜粿，分送給大家這樣子。」
社區配合庄內五年千歲的廟會活動，共做好的紅龜粿分送予鄉親，嘛希望透過木雕的方式，共社區的花磚特色保存落來，發展創新的產業。
專題｜改造地獄路 台灣行人路為何難行？
