後禮拜新一波冷空氣到地 各地氣溫賰13-15度
買湘瑩 陳保羅／臺北報導
發布時間：
更新時間：
目次
這幾工天氣反冷，後禮拜閣有寒人了後、頭一陣冷空氣。氣象專家指出，全台灣可能會賰13度到15度，而且冷氣團一陣一陣，會愈來愈明顯。
天氣烏烏暗暗，臺灣北部佮東北部受著東北季風影響，一直攏是落雨天，氣象專家彭啟明表示，這禮拜氣溫會親像落樓梯，後禮拜三是今年冬天第一波降溫，氣溫會來到14度左右。
氣象專家彭啟明表示：「預計後禮拜三拜四開始，可能會連續4-5工，有一波新的冷空氣直接往南邊來，臺灣有機會達到冷氣團的標準，阮預計溫度佇北部可能到13-15度，過去這幾工大概降到14-16度，預期會比這馬閣降2-3度左右。」
專家講，今年冬天雖然晏到，毋過冷氣團會一直來，氣溫明顯下降，袂親像往過彼款暖冬的狀況。寒天一下來，民眾嘛會想欲食寡補，對這波降溫的趨勢，中醫師提醒，有慢性病佮心血管問題的人，食補會使，但是愛配合一寡涼性的菜蔬，以免補過頭。
中醫師吳明珠表示：「麻辣鍋、麻油雞，伊這內底有囥一寡藥材，青耆、桂枝，增加血液循環，有慢性病的人阮建議毋通溫補，清補就好，吃了以後通補腎驅寒，用一寡薑、蔥仔，毋通傷補。」
醫師表示，除了食補以外，有運動習慣的人嘛愛會記得，等日頭出來、寒氣過、較燒烙的時陣才出門，予血管收縮莫遐激烈，才袂造成中風抑是心臟無力的意外。
專題｜改造地獄路 台灣行人路為何難行？
