臺灣國際學生創意大賽 萬件作品參展爭大獎
鄭雅文 林郁凱/臺北報導
發布時間：
更新時間：
目次
2008年開始舉辦的臺灣國際學生創意大賽，今年分做視覺傳達、產品設計等類，學生透過產品展現家己的想法。這改提著年度大獎的是短片《違禁品》，作者用有身婦人人違法居留，來探討屬地議題。
有身人佇採買的時予員警臨檢，違法居留者會拄著啥物權益問題？臺灣藝術大學的學生用家己本身自身的故事，來探討香港的社會文化，這支短片《違禁品》，得著台灣國際學生創意大賽的年度大獎
學生凌豫靖講：「我是對媽媽身軀頂想著這个故事，其實伊就是主角，大概就是講一个有身的人，來到一个無屬於伊的所在，伊想欲佇遮生伊的囝，但因為違法，才會予警察掠。」
創作的主題結合聯合國SDGS永續發展目標，予學生用創作發揮創意，也有學生是以降低阿媽用鼻胃管灌食去發想，得著產品設計的金獎。
學生邱士軒講：「現有著愛用雙手倒，真濟序大欲倒其實袂準，我是用一个架仔，予伊會當架佇座位邊仔，予伊通透過轉的方式流出」
另外，也有學生設計原生植物包，來推廣原生種子、環保的想法。已經辦十幾冬的台灣國際學生創意大賽，總共萬外件學生作品，來自國內外66个地區，以視覺傳達、產品設計做分類參賽，近年來國外學生參展也愈來愈濟。予IN也會當有發展激頭殼的舞台。
2022杭州亞運 台灣百金之路
