陽明交大.台積電合作 科技運動減慢老化問題
張君豪／新竹報導
發布時間：
更新時間：
目次
預防序大失能佮減慢老化，是目前臺灣高齡社會愛去面對的問題。陽明交通大學閣有台積電這陣參病院合作，佇學校成立社區型的健身俱樂部，利用現代化的科技運動器材，提供序大健康運動的環境
佇專業人員的解說之下，序大利用科技化的設備，除了一爿運動嘛會使了解目前的體能狀況，而且閣透過AI的技術將逐个長輩運動時體能狀況的數據，提供予教練做評估。
長輩表示：「教練老師攏有教阮，對阮的幫助，比家己去散步的效果閣較好，透過活動阮身體健康了後，銀髮族退休人員會使出來做志工，回饋社會，我感覺這是善的循環。」
臺北市立關渡醫院院長陳亮恭表示：「透過儀器檢測設備，會使知影運動的強度，時間佮進步的程度，所以未來會達成更加準確的效果。」
陽明交通大學希望佇學校打造四序的運動環境，提供予社區序大免費使用，嘛回饋社會陪伴序大。
陽明交通大學校長林奇宏表示：「阮希望透過活動，予學校的師生會使去了解，永續計畫的發展內容佮參社區的連結。」
未來這个俱樂部除了提供長輩健康服務，更加希望成做社區序大的好夥伴，透過資源整合，建立序大人健康快樂的生活環境。
專題｜改造地獄路 台灣行人路為何難行？
