新竹舊社國小皮猴戲社團 教學生合作做家私
張君豪/新竹報導
發布時間：
更新時間：
目次
新竹市舊社國小有一个傳統的皮猴戲社團，平常時除了教囡仔按怎操作，嘛鼓勵學生親手做家私，希望學生透過皮猴戲，學會曉團隊合作，做陣完成一齣戲。
皮猴戲演出愈看愈心適，來到戲台後一看原來攏是學生弄的，逐家仝心合作，演出是誠成功，學生講佇過程中嘛學著團結的重要性。
學生說:「無閒的時陣，有人會較無注意前台，就會來鬥相共揣尪仔。」、「愛會曉臨機應變，譬如講線拍結就愛趕緊用這來穿線，才有法度將線參尪仔分開。」
囡仔除了會曉演戲，皮猴戲的尪仔，嘛攏是校長參老師一步一步共教，才做出來的。尪仔若害去，嘛著家己來修理。每一个學生經過訓練，攏對家己更加充滿自信。
新竹市舊社國小老師郭元蓁說:「參加皮猴戲社團會使幫助學生學著勇敢，親像佇國語文方面，朗讀佮演講，學生會更加有勇氣展現家己。」新竹市舊社國小校長莊傑志也說:「阮希望以皮猴戲做中心，引入閣較濟傳統文化的元素，透過這款方式會使予學生的學習更加有前途。」
學校除了皮猴戲社團，嘛有傳統的弄獅佮客家歌謠等等，校長講主要的目的，就是希望傳統文化會當繼續傳承落去。
專題｜改造地獄路 台灣行人路為何難行？
