兼顧經濟.家庭擔頭重 "城男舊事"助爸爸敨放心事

今仔日是父親節,有人力資源公司公佈調查,發現真濟爸爸因為經濟壓力真大,也想欲分擔照顧囡仔的責任煞毋敢請育嬰假。台北市一个關心男性的組織「城男舊事」表示,ﰀ平常時攏有提供男性心理諮詢的時間,歡迎所有爸爸去揣ﰀ講心事。

8月初8父親節,慶祝的時陣,嘛愛來關心咱阿爸的壓力。今年36歲的Nick,有三个囡仔,佮ﰀ某兩个人的薪水加起來有十萬,毋過生活仝款過甲真硬篤。
爸爸 Nick表示:「先無拍算兼差,先共老本食食咧,以後等囡仔較大漢矣,若是欲趁較濟的時陣,到時陣才來兼差就好。」
毋過毋是逐个人攏有老本通食。根據人力資源公司的調查,一个家庭若飼一个囡仔,逐個月至少愛有8萬8的收入。
人力資源公司公關總監 陳尹柔表示:「若是以一到三月份實質性薪資來看,干焦四萬一千外爾爾,兩个加起來其實猶無夠這个水準,等於只有八萬兩千外。」
一寡仔關心男性佮性別議題的團體表示,佇愈來愈注重性別平等的家庭分工內底,其實有愈來愈濟少年爸爸願意分擔照顧囡仔的責任,毋過經濟壓力予ﰀ毋敢共工課放落來,請育嬰假。
婦女權益促進發展基金會組長 陳慧怡表示:「其實這馬新一代的男性爸爸有意願嘛希望會使參與,但是這个經濟的結構怎樣去突破,是規个大環境的影響,佔真大的部份。」
城男舊事心驛站組長 林奕辰表示:「育囝上大的困難就是陪伴囡仔的時間無夠,佇陪囡仔的時間無夠這部份,就反映講ﰀ的工時傷長。」
城男舊事表示,ﰀ平常時攏有提供男性預約心理諮詢的時間,十月嘛會發起已婚男性的情緒支持性團體,歡迎有需求的爸爸去揣ﰀ敨放心事。

 

全台敬老金大調查

相關新聞