裴洛西來訪 學者:無違一中原則.中國反應過度
林思皓 莊沛文/綜合報導
發布時間：
更新時間：
目次
這改美國眾議院議長裴洛西來台灣，有學者認為，並無違反一中原則，顛倒是中國、欲佇台灣外海軍事演練的行為、反應商過頭。學者嘛講，雖然美中這馬是競爭關係，毋過中共應該毋敢佇這个時陣、對台灣開戰。
美國眾議院議長裴洛西來台灣，國際關注台美中的三角關係。台北海洋科大通識中心副教授吳建忠表示，美國佮中國這馬是競爭的關係，裴洛西來台灣一定會有風險。
台北海洋科大通識中心副教授 吳建忠表示：「不管是美國任何的官員來台灣，中國絕對攏是反對的，尤其是這改咱看著自從美中科技戰了後，其實咱發現一件代誌就是美中的關係愈來愈ﰴ。」
中國不斷恐嚇，毋過裴洛西嘛一直強調這逝來台灣是無違背一个中國的原則。台大政治系副教授陶儀芬表示，中國這馬佇台灣外海的軍事演練是反應過度。
台大政治系副教授 陶儀芬表示：「咱用咱的常識來看，伊就是一个真四常的代誌，這个代誌就是裴洛西欲表達伊對台灣的支持，這嘛有前例，這嘛無違反美國一貫的政策，但是就是中國大陸一个過度反應。」
反應過度毋是無原因的。台大共教中心助理教授余宗基分析，習近平是想欲用民族主義的情緒，轉移國內對伊的不滿。
台大共教中心助理教授 余宗基表示：「逐家攏知影中國內部的問題遮爾嚴重，經濟的問題 COVID-19清零的問題，其實彼佇大陸內部攏已經造成足大的民怨，所以伊嘛可能刁工欲共台灣的問題處理到真緊張。」
余宗基認為，台美中未來的關係的如何，關鍵佇中共的態度。毋過伊認為，現此時習近平欲連任，中共毋敢無分無會佇這个時陣對台灣開戰。
裴洛西訪台事件簿
