竹市公道三路等30年今通車 望敨解窒車問題

等30年,新竹市公道三路最近總算拍通矣。這條路短短五百公尺,毋過對1991年提出計畫,有真濟當地居民反對,經過真濟溝通,今仔日總算順利通車。

新竹市公道三道路佇25正式通車,這條道路工程佇過去,面對在地居民徵收問題長期抗爭,經過了30年的溝通協調,總算是順利完工。

公道三拆遷戶林小姐表示:「這馬看著這條,會使直接通去高速公路的公道三,順利完成通車,我想每一戶搬厝的辛苦佮忝,攏有價值矣。」

當地里長郭文銘講:「共社區繁榮起來,而且又閣整齊規劃。」

公道三道路全長500公尺,道路用地內底閣有新竹縣的財產,市政府除了開7.4億向新竹縣買地,嘛著安置徵收戶,提供臨時租金補貼,過程有真濟波折。

新竹市副市長沈慧虹表示:「短短五百公尺的一條道路,等三十年誠無簡單,毋過咱做到矣,今仔日真感動,更加感動的是居民、原住戶、里長參議員以及新竹市的團結,才有法度有按呢的公共建設。」

市府表示公道三道路通車,未來會當解決市區交通窒車的問題,嘛會當提升市區四箍圍仔的區域的整體發展。


 

相關新聞

專題|全台敬老金大調查