部落大學整合原民傳統 傳承文化兼栽培在地人才

老師用原住民族母語,紹介野生植物,紲落來閣tshuā逐家來到山頂挽筍仔,過程全部攏用母語。透過新竹縣部落大學,向逐家推廣原住民教育族佮文化學習。

新竹縣部落大學學員講,「遮的物件若是無人做,就會沓沓仔失傳,我感覺身為原住民有責任愛去學習。」

新竹縣部落大學講師黃美萍講,「佇部落已經無人講族語,我的目的是想欲予序大莫習慣講漢話,因為自IN來帶動講族語的氣氛參傳承。」

隨音樂跳舞,部落大學課程除了教語言,閣有文化藝術、部落產業佮生態環境等等,多元的內容會使選擇。

新竹縣部落大學講師富士哈告講,「會出現無仝款的火花,所以阮希望學員學著舞蹈健康,上重要是兩个文化會使融合,互相學習好的所在。」

透過部落大學整合原住民族產業、文化傳承以及教育,佇課程內底學習專業內容,除了予逐家更加認捌原住民文化,嘛予原鄉鄉親有就業的機會。

 

相關新聞

專題|全台敬老金大調查