利用網路直播教生活化臺語 望唌少年輩學習

用作穡的家私來講俗諺,紹介以前農村社會過生活的寶貝,嘛透過遮的物件,予線頂的人知影台語的講法佮趣味的故事。

母語老師 黃玉雨:「足濟物件攏已經失落,這个俗諺語嘛是古早寶,像以早昔時賢文,古早人的話,我攏感覺講彼足好的,應該愛閣略仔共推廣,愛閣略仔予人知,教予囡仔」。

嘉義市母語文化教育學會,這陣開始用網路直播推廣台語,逐禮拜攏有無仝的主題,希望用生活化閣趣味的內容,吸引予少年人學習台語。。

嘉義市母語文化教育學會總幹事 張至宏:「咱用足生活的方式來咧講,予逐家較緊來接受,逐家較緊學咱一寡仔智識常識,這生活中攏會當去學著,按呢包羅萬象足好的」。

學會表示,隨時代進步,語言教學的思考嘛愛改變,袂當閣只是透過課本的內容來上課,目前IN網路直播已經有三改,一開始時間是15分鐘,未來會看網友的反應才閣來調整時間。



 

相關新聞

專題|全台敬老金大調查