女性來月事驚人知 "阿媽ê月"特展促性別平權

3/8婦女節,紅帽仔協會佇臺北的國家婦女館,推出記錄女性月事的故事展《阿媽ê月》,透過訪談,看無仝時代的女性對月事的想法佮記持,嘛紹介身體、性別議題。這个展覽會到明年一月底。

佇布頂懸寫各種對月事的祝福,無講你可能毋知,這是阿媽彼輩古早時代咧用的紮布

小紅帽協會專案經理 林尹筑指出:「阮去採訪的阿媽,IN可能六十外冬前用的物件,就可能是這種用破衫仔褲所做的布,伊就叫做月事袋仔,抑是紮布」

紅帽仔協會開一冬的時間訪談幾若个阿媽佮in的查某囝孫,記錄三代甚至四代女性的生命故事,用台文華文相濫,探討IN對月事的理解佮記持。有的阿媽講著過去的時代,月事真無方便、也驚人知。

林尹筑表示:「其實阮一開始去訪問IN,IN攏會淡薄仔抵抗,攏會講這足歹勢,是見笑的歹誌,這哪會使講。但是阮會發見講,月事這件代誌,其實是綴阿媽IN經歷,真濟無仝的人生階段」

紅帽仔協會表示,這个頭改記錄阿媽月事的故事展,也有出冊,除了欲予女性閣較了解家己佮身體的關係,也希望逐家關注性別、身體的議題。

全台敬老金大調查

相關新聞