大學生挑戰臺語胡撇仔 改編沙士比亞.探討女權
鄭雅文 林郁凱/新北報導
發布時間：
更新時間：
臺北城市科大演藝科學生最近挑戰全臺語的舞台劇《愛啥款》，也是IN的畢業製作，內容講著1920年代的大稻埕，探討傳統教育佮女權觀念，這齣戲3月份欲佇大稻埕戲院演出。
對一位都會女性雄雄倒轉去到1920年代的大稻埕，引發古早佮現代社會的教育、男女地位等等觀念衝突，劇本《愛啥款》改編莎士比亞的馴悍記，探討女權的議題。
導演兼編劇廖怡欣講，「佇馴悍記內底，咱看著的是，女權佇彼个年代的無公平，咱家己共伊擷取改編做阮的，主要講女權無公平的這件代誌。」
城市科大演AN藝科的應G屆畢業8生頭改用全台語的方式演舞台劇，內面也有來自高雄的同學，摻入家己捌聽過的台語俗諺GAN7自行發揮，予規齣戲閣較活潑。
演員李雅淳講，「內底就有加一段是俗語會用著的物件。直接來矣，一刀剪落去，歹運隨風去，今日好日子，賺錢若賺水。」
演員高爾謙表示，「同學聽著我講毋著會一直糾正，這馬是真正感覺有較好一屑仔。有較輾轉，甚至感覺台語也真好耍。」
學生表示，這款的嘗試除了劇情需要，也希望共台語推廣至日常生活，閣較希望逐家透過這齣戲，了解著愛有真濟形式。
專題｜改造地獄路 台灣行人路為何難行？
