"轉去二二八"實境遊戲 ﰓ囡仔認捌人權佮歷史

照片提供:臺北市萬福國小/二二八國家紀念館
佇80幾年前的二二七、二二八事件,真濟臺灣的智識份子、頭人佇這个事件犧牲、失蹤。有一位國小老師就開發一套配合二二八國家紀念館的實境遊戲,予學生轉去到80幾年前,揣資料解謎題來救人,深入體會這段捌發生佇咱土地重要的歷史。

臺北市萬福國小教務主任林江臺解說,「因為伊是重返1947年的3月,為著取信許錫謙,著必須要輸入譬如講,你是啥物參啥物的編輯。」

囡仔若親像轉去到二二八事件的年代,解救遊戲所設定的四个佇二二八受難佮報紙媒體相關的人物。

林江臺講,「所以囡仔佇展場中,揣著許錫謙的資料以後,你就會使看著講,伊是東台日報參青年報的編輯。」

考量學校的教科書對這段歷史的紹介有限,林江臺就佮其他老師做伙設計這套教材,透過紀念館的展場空間,予囡仔通佇老師tshuā領下,佇遮閱讀檔案佮史料。

林江臺講,「予囡仔用一種同理的角色,轉去到1947年的二二八彼个時空環境,去了解彼當時的人,伊到底面對啥物款的問題抑是困境,當時IN又閣按怎欲做按呢的決定。」

二二八國家紀念館副執行長柳照遠表示,「利用紀念館的素材予IN揣線索,按呢沓沓仔來接觸二二八的歷史,佇遊戲之中,通來體驗人權。」

二二八紀念基金會表示,若用較早導覽方式來講這寡代誌,囡仔可能攏走了了矣,所以才會想講試看覓透過這寡珍貴的文物,予IN了解,歷史就佇咱身邊。
佇80幾年前的二二七、二二八事件,真濟臺灣的智識份子、頭人佇這个事件犧牲、失蹤。有一位國小老師就開發一套、配合二二八國家紀念館的"實境遊戲",予學生轉去到80幾年、揣資料解謎題來救人,深入體會這段捌發生佇咱土地、重要的歷史。



 

相關新聞

專題|全台敬老金大調查