天災損蕩致嘉義觀音水沖封22冬 按元旦起開放

嘉義竹崎的觀音水沖,因為921地動佮88水災的損蕩,已經封22冬,經過政府佮民間團體共同整修,觀音水沖風景區、按算明年1/1開始,會當預約入去遊覽。

嘉義竹崎的觀音水沖,因為921地動佮88水災的傷害、已經封22冬,經過政府佮民間團體共同整修,觀音水沖風景區、按算明年1/1開始、會當預約入去遊覽。


佇橋頂欣賞水沖,嘉義縣竹崎鄉觀音水沖風景區,因為風颱佮地動封閉22冬,明年元旦開始,逐禮拜五、拜六、禮拜開放試營運,一工兩梯次,民眾就會當那看水沖那啉咖啡。

遊客表示:「空氣好、風景媠,咖啡閣真芳,真正是出來耍難得的經驗。」

咖啡師,林崑圖表示:「咖啡種佇咧這个竹崎大坑,這个所在海拔,種佇一千公尺左右。」

觀音水沖風景區以前是全國知名的景點,因為921地動閣有88水災,造成崩山無法度閣入來,經過阿里山國家風景區管理處、嘉義縣政府佮嘉義市嘉邑行善團總共開一億八千外萬整修,這个所在才通閣再開放。

遊客表示:「敢若人間仙境的感覺,彼个,佇遮,閣來就是講有佇大森林的感覺。」

竹崎鄉文峰村長,林銘安表示:「目前先一工兩團來遮試營運,以後猶是用網路預約訂購,無開放逐家隨時來。」

目前內底的路閣誠狹,人傷濟會較僫相閃車,管理單位才使用預約的方式來開放,村長表示,民眾預約的時陣,內底嘛有規畫一寡仔行程,希望透過觀音水沖的開放,帶動當地產業的發展。

全台敬老金大調查

相關新聞