新店命案嫌犯走去廈門 今日被押轉來臺灣
陳佳鑫 陳冠勳 莊志成 陳昌維 謝政霖 / 臺北報導
發布時間：
更新時間：
進前佇新店共一名賣咖啡的生理人槍殺的嫌犯，犯案了後隨走去中國廈門。刑事局有請中國彼爿鬥協助。廈門公安佇嫌犯防疫隔離期滿後，今仔日協助共姓黃的嫌犯押來交，由台灣這爿刑事局的幹員去接。暗時6點半左右，飛行機已經到松山機場，嫌犯已經押轉來台灣
因為疫情關係，台灣刑事局佇空橋接人，無入境，佇飛行機艙口接人。這層槍殺案，嫌犯攏有計畫過，佇新店殺人了後，閣改換服裝2改，想欲閃過警方追查，落尾偷走去到中國。目前嫌犯已經押轉來，也當咧調查犯案的原因
專題｜改造地獄路 台灣行人路為何難行？
