"上媠的臺灣"演奏文化記持 臺灣國樂團禮拜演出

臺灣國樂團年底的作品「上媠的台灣」,以三位迒世代的作曲家的鋼琴、協奏作品,欲用12樂章,代表台灣一年四季,展現臺灣旺盛的生命力,禮拜下晡就會佇國家音樂廳演出,咱先來欣賞一下。


優美的鋼琴聲敆簫、鑼和濟濟傳統樂器,將台灣大山大海的美麗奏出來。

這是台灣國樂團藝術經理,本身嘛是台灣作曲gâu人王乙聿全新創作的鋼琴協奏曲「上媠的台灣」,伊講期待共台灣東海岸予伊的感動,分享予眾人。

作曲家王乙聿:「希望逐家會使聽著國樂新聲音,一个咧講台灣的想像,一个音樂空間」。

鋼琴演奏家廖培鈞:「伊創作的聲響非常新穎,佇我練習的時,我就會發現我咧彈古典的時,無發現的音色」。

對鼓吹、烏笛仔、挨弦仔,關廼忠作曲的《臺灣四季》中的一隻鳥仔,夏季自然萬物旺盛的畫面袂輸就盡在眼前,這也是這改臺灣國樂團年底作品欲演奏的樂曲之一。

「上美的大灣」音樂會副監製鄒求強:「這是東方傳統國樂,和西方聲樂器,無仝聲樂器的結合,對國樂團來講嘛是一款的創新,新的音樂風貌出來」。

臺灣國樂團希望拍破往過對國樂作品的印象,用中西音樂文化的活力,予觀眾感受台灣一年四季迷人的景致,鬥陣聽見上媠的台灣。


 

相關新聞

專題|全台敬老金大調查