明新科大收各國交換生 校慶嘉年華交流文化

新竹的明新科技大學,這幾年來有愈來愈濟的國際交換生,校園若親像「大學聯合國」。今年創校55冬,學校舉辦國際嘉年華,來自日本、越南、韓國、猶閣有蒙古等等國家的學生,穿家己國家的傳統服裝,紹介in的文化。

演奏蒙古的馬頭琴,閣有紅白色的蒙古露篷,入去到內底帽仔戴起來,予人感覺親像來到蒙古。閣有來自越南的學生,穿傳統服裝,現場製作越南潤餅,新竹明新科技大學的交換生,趁這改校慶 進行文化交流。

外籍學生表示:「若是佇日本,罕得有機會接觸無仝國家的人,所以我感覺誠好,國際的感覺」

學校總共有來自17个國家,超過1200位外國學生,平常時就有誠濟機會佮無仝國家的同學接觸,校園若親像 大學聯合國。

明新科技大學校長 劉國偉指出:「學校培養出誠好的國際環境,予台灣學生有國際視野,毋免出國嘛會使有國際視野,這就是阮的教育目的」

學校嘛特別佇大樓掛無仝國家的國旗,校長講希望透過活動,予學生做伙體驗無仝所在的風土民情。

全台敬老金大調查

相關新聞