十三行博物館推Podcast 用臺語說史前文化

畫面來源 十三行博物館網站
Podcast的內容是五花十色,這馬連考古也有podcast。新北市十三行博物館,推出考古愛講古的台語Podcast,用趣味的方式了解史前文化。

十三行博物館推出考古的Podcast節目,用台語講北台灣六大史前文化,紹介史前的工藝技術、生活方式,☒民眾了解千外年前的史前文化。

這是三千年前的圓山仔文化,猶閣有六千年前的觀音山,為著調查考古相關的名詞台語欲按怎講,團隊也拜訪濟濟前輩,盡量共專業名詞翻做貼倚生活的草地氣口。

十三行博物館研究助理林家鴻指出:「像咱華語咧講的石斧抑是石鏟欲按怎講,阮就會去查。石斧就叫做石斧(póo);石鏟就叫做石掘仔、石鋤抑是石黜。阮想講古早人生活佇部落,In彼種氣味、彼種氣氛應該足草地。我就想講草地的人是按怎講話的,阮就用咧故事內底」

考古一般予人感覺較嚴肅、較無聊,希望用講故事的方式,予民眾攏會當佮意考古這門學問。

十三行博物館館長柏麗梅表示:「台語佇台灣來講是非常重要的語言。真濟人足佮意台語,所以阮嘛希望透過台語按呢的語言方式,用生活化、親民化的方式,將咱的故事講出來」

柏麗梅也表示,未來嘛會邀請來賓,上台語Podcast做伙來講古,予民眾了解先民參環境共存的智慧,博物館也有提供台語導覽,希望用上生活化的語言,予民眾認捌史前文化。

全台敬老金大調查

相關新聞