竹市邀請藝術家辦展覽 籲民眾疼惜咱的土地

最近疫情漸漸穩定,新竹市特別邀請16位藝術家做伙展覽,其中有真濟作品攏是欲提醒逐家,著愛珍惜身軀邊寶貴的資源。

透過藝術家楊順發的鏡頭,看著台灣寶貴的海岸資源,無論是已經浸佇水內底的廟宇,抑是廢棄的炮壘,想欲提醒逐家重視當咧漸漸失去的海岸線。
 

計畫主持人林羽婕表示:「透過真媠的藝術作品,顛倒過來提醒咱,佇經濟發展的後壁,咱家己對環境所造成的傷害,包括這馬地球暖化的的議題」


閣有藝術家是以收容所的流浪狗做主題,鏡頭翕的是狗仔安樂死進前的身影,真濟人看了是誠毋甘,另外嘛有利用各地監視器透過電腦AI的方式,寫出美麗的詩詞。
 

新竹市文化局長張馨之講:「用半冬外時間做田野調查佮文史考究,嘛邀請16位重要的藝術家,透過步行的方式,重閣熟似新竹這座城市」


這改的展覽內容,對環境的變遷到科技人文,透過另外一種方式,希望逐家更加珍惜台灣這片土地。

全台敬老金大調查

相關新聞