免上網登記 竹市65歲以上直接列名單注第2筒
張君豪 / 新竹報導
發布時間：
更新時間：
目次
這陣疫苗平台開放予民眾去登記第二筒預防射，毋過有序大驚講袂曉用電腦，會搶無疫苗。佇咧新竹市，是特別向中央爭取65歲以上的序大，會當造冊等通知。這馬已經確認，會替所有65歲以上的序大，安排注疫苗的時間。
醫生詳細共民眾說明預防射注了愛注意的所在，針對65歲以上序大的第2筒預防射，新竹市經過向中央爭取，確定會替老大人統一造冊，毋免上平台預約，只要等通知就會使，民眾嘛感覺這款的做法較好，表示：「因為真濟序大毋知按怎用電腦，這部份嘛是需要政府鬥相共」、「序大袂曉用手機仔，可能只好靠序細」。
目前新竹市有超過八成的65歲以上序大，已經注過第一筒預防射，紲落來仝款會主動造冊、通知序大注第二筒。
新竹市長 林智堅指出：「未來會透過原底的資料，繼續造冊發通知單，邀請序大來注第二支疫苗。嘛會繼續提供三項貼心服務，包括免費的疫苗計程車、復康巴士，閣有到厝服務」。
若是65歲以下毋知影按怎登記的序大，市政府嘛有設疫苗服務專線，只要提供基本的資料，就會有人安排注疫苗的時間。
2022杭州亞運 台灣百金之路
