雙北開放現食 業者拚消毒.頭工店內人猶無濟

雙北自8/3開始開放餐廳用餐。連超商、大賣場的美食街也攏趕緊安排人客的座位。業者毋但認真咧消毒,也會安排人客閬位座。雖然講已經開放阿,毋過猶是真濟人客堅持欲包轉去。

一个人的位三面攏囥隔枋,雙北K市的餐廳初三起開放室內用餐,業者加強7防疫7,希望人客通增加。

餐廳業者表示,「目前猶未接著電話訂位,會希望用餐人數通轉去到過去六七成。阮就所有的物件攏消毒,全攏換新閣來手套、面罩、喙罨攏愛掛好勢。」

餐飲店員表示,IN家己也驚予人穢著,所以消毒、清潔攏一定照起工,佇這間大賣場的美食街,原本欲5百个座位,這馬也只開放50个,閣較共距離搝到2公尺以上,實施實聯制、單一入口等等的措施。毋過佇倚用餐的時間,實際來到現場的民眾,其實無幾个。

有民眾表示,「我是會當接受(現食),因為伊有隔枋,像彼隔枋就會使,因為逐家也較自律。」

毋過也有民眾表示,「因為猶未注疫苗,我猶未注,所以感覺無啥放心。」

政策拄開放,店頭期待恢復早前的營收,毋過現階段猶是有民眾猶認為買買紮走較安全,紲落來的疫情佮注預防射的比率,嘛攏會影響著民眾對佇外口食飯的信心。


 

相關新聞

專題|全台敬老金大調查