7/13起餐飲業小解封 閬位坐.祀隔枋.保持距離

中央宣佈店家對7/13開始,若有遵照五大防疫措施,閬位坐、𫞼隔枋、保持用餐的距離。人客就會當佇店底食食。真濟業者,攏誠期待、會當開店做生理。

往過人山人海的新北市深坑老街,這馬機車攏通直接軁入去,透中晝來包物件的民眾也無濟。

三級警戒個偌月,一聽著中央宣布會當小可仔解封,佇老街的業者表示,等這工已經等足久矣。店家講,「微解封阮當然是期待啦,毋過猶是足驚疫情,阮會共需要做的準備做予好。」店家表示,「阮猶無拍算予人客佇內底食,拍算等疫情完全好才閣講。」

有民眾認為猶袂完全解封進前,猶是會包轉去食。民眾表示,「我是感覺講若普遍攏有注預防射,按呢阮才會較放心。」

食藥署公布餐飲業防疫管理五大措施,餐廳若欲予人客內底食,一定愛有隔枋、梅花座、維持1.5公尺用餐距離,內場工作人員愛加戴帽仔、外場愛掛面罩,也愛加強消毒。

食藥署署長吳秀梅表示,「也請調整供餐方式,請盡量以個人餐為主,若欲出合菜,請一定愛有專人服務分菜。」

食藥署強調若有人客或者是店員確診,就愛歇至少3工,逐日至少消毒兩擺,恢復營業11工內,攏干焦會當予人客包。

相關新聞

專題|全台敬老金大調查