7/1起市場販仔也通注射 名冊人數煞僫清查

7/1開始、北部傳統市場、合法的擔頭仔、會當去注疫苗。毋過有一寡攤頭,攏是四界排,根本無登記,若準欲追蹤這寡人,確實無法度、總揣著。指揮中心表示:會以自治會、通報予地方主管機關的名冊為主,也強調這部分一定會處例,予民眾、安心去買物件


中央20宣布擴大注疫苗對象名單,維持民生需要的市場攤商也列入去,攤商表示逐工接觸的人攏無穩定,加上排擔的所在無通風,會當先注較安心。

攤商:「有先登記名矣,就是寫攤商的人員,毋知影排有抑排無。」

根據主計總處調查,全台攤販計共30萬外擔,雖罔造冊名單以有合法攤商證為主,毋過有的攤商無加入工會,也無擺擔證明,有的是租擔仔位予人排,疫苗注射的人數和控管恐驚有空縫。

台北市市場處副處長高群荐:「我毋敢講一定足完整,因為你一个擔仔位,絕對無可能是你一个人咧營業,外口的攤販有41搭攤販列管集中場,彼是阮列管的,彼阮會處理。」

中央流行疫情指揮中心副指揮官陳宗彥:「這是市場管理過去的一个問題,防疫這部份因為合法攤商是會當清楚列冊,所以就看地方主管機關按怎完整列冊,列冊了後,阮就會遵照列冊名單來注疫苗。」

除了愛靠地方機關監督確認造冊名單的真實性,指揮官陳時中也表示市場防疫猶是袂當放冗,強調一定愛共民生供應產業鏈的健康監測做好,緊注疫苗,才通予民眾安心消費的環境。

全台敬老金大調查

相關新聞