彰化大規模注疫苗 85-89歲序大6/24起注AZ
楊舒晴 / 彰化報導
發布時間：
更新時間：
彰化縣頂禮拜6月15開始進行「萬人快注疫苗」行動，目前中央頭一波發放的3萬7千筒AZ疫苗已經注了；第二波欲針對85歲至89歲的序大，也已經完成調查，6月24開始注。為著予紲落來的大量注射任務順利完成，彰化縣已經招集三百外位醫護人員加入注射團隊。
彰化縣針對第一類至第六類的AZ疫苗注射，頭一波三萬七千筒已經佇頂禮拜注煞，其中第六類75歲以上列名單參預約的序大，注射率攏有九成以上。第二波彰化縣政府也已經針對85至89歲的序大做意願調查。
這一波85至89歲的序大，明仔載開始會由各村里長發注射通知，對6月24開始注，縣府也特別安排序大去病院參醫療院所，會使閣較完整評估身體狀況。葉彥伯講:「因為佇醫療院所參病院注射，醫生會使閣較完整佇現場查雲端藥歷，閣有過去的病歷，會使更加清楚替注射者，評估健康狀況參過去的病史，所以希望透過醫生有充足時間做診療，予民眾放心，藉此提高注射率。」
彰化縣針對第一類至第六類的AZ疫苗注射，頭一波三萬七千筒已經佇頂禮拜注煞，其中第六類75歲以上列名單參預約的序大，注射率攏有九成以上。第二波彰化縣政府也已經針對85至89歲的序大做意願調查。
彰化縣衛生局長葉彥伯:「阮最近這一批85至89歲的序大，阮預估整體的這个年齡層的注射率，大概會有五成以上。」
彰化縣長王惠美:「注射疫苗攏會有風險，你若是看世界逐國的報導，不管注佗一種預防射，攏有人因為按呢過身。但是我嘛是愛閣一遍強調，長輩若有確診死亡率真正足懸的，所以這就是變成長輩參家屬愛家己去評估的。」
縣長王惠美表示，不管注佗一種預防射，本底就有風險，但面對高風險傳染病，逐家猶是愛慎重考慮、評估風險，另外為著應付紲後大量的注射任務，目前彰化縣也已經召集307位醫護人員，加入注射團隊，目前猶咧繼續增加。
專題｜改造地獄路 台灣行人路為何難行？
