全國停課繼續延長，但是有公立國小的兼職老師向立委陳情，講本底佇學校是負責學生課後輔導、照顧的，因為毋是正式編制，也毋是勞工，這馬毋但無收入，也領無教育部的紓困補助。
梁姓陳情人:「阮的薪水是來自上課時數，只領一節課320箍的鐘點費，自從指揮中心宣布學生踮厝家自主學習了後，阮就無法度閣去上課，按呢來講就無薪水。」
立委高虹安:「至少佇國小甚至各級學校，特教班的這寡老師，伊會當比照像社區大學講師的方式，假使伊有既定的工課事實，但是因為疫情造成損失，我們希望佇這个部份，通予IN一定比例的相關紓困補助。」
高虹安表示，像社區大學講師、團膳業者等等攏有佇紓困名單。目前立法院也當咧審查第三改的追加預算，會提案共代課猶閣有兼課老師納入非典型紓困名單內，教育部國教署是表示，針對這个部份，目前閣咧研議討論。
