屏東志工送餐關懷老人 兼教種花草.運動助健康 | 公視新聞網 PNN

屏東志工送餐關懷老人 兼教種花草.運動助健康

 
屏東378个社區關懷據點,目前因為疫情攏暫停,煩惱老大人踮厝內無代誌做,社工佮志工想著,中晝送飯菜的時陣,會當準備一寡手工藝、種花的作業,甚至教in做簡單的運動,予遮的老大人、安心踮厝裡防疫。
 
社工佮志工中晝送肉粽予老大人過肉粽節,in毋但有通食,閣有作業愛做。

新園鄉田洋社區的老大人,因為防疫這馬攏無通去社區據點,社工佮志工就利用逐工送餐時陣,關懷老大人,有時閣會準備音樂,一个老師tshuā 一个學員,保持安全距離,簡單活動筋骨。


逐工送餐佮訪視的時間有限,所以出發進前,社工會準備一寡畫圖抑是種花草的作業,先共材料一包一包款好勢,予老大人會當踮厝內有代誌做。


防疫期間,屏東378个社區關懷據點,這馬攏停課,煩惱老大人攏踮厝內,會真緊老化,真濟社區志工真貼心,有的準備防疫包,有的是手工DIY,長輩會當小振動一下,安心踮厝內防疫。

記者陳嘉筠 賴威佐 屏東報導
 

相關新聞

留言區