無通報就共苗栗移工送新竹 竹縣按罰中人30萬
發布時間：
更新時間：
進前有中人公司，共移工安排去蹛新竹市的一般旅館，落尾去予新竹市政府罰100萬。想袂到初九閣傳出，中人公司無通報縣政府，就共一部份的移工，徙去新竹縣內的一間檢疫所，縣政府趕來現場消毒，搝封鎖線，引起附近民眾驚惶。
檢疫所前後攏搝封鎖線，人員嘛全副武裝無敢靠勢，閣有移工因為人無爽快，救護車趕緊共人送採檢。縣政府聽著這个情形，連鞭派人到附近消毒。
苗栗電子廠傳出疫情了後，有部份移工徙來到這間新竹縣檢疫所，雖然講地點合法無問題，毋過中人公司無照規定佇7工內通報，新竹縣政府決定欲罰這間業者30萬。
檢疫所這陣有39名移工蹛內底，一部份因為快篩陽性，目前等PCR結果，縣政府講附近會加強防疫措施，嘛會注意減少蹛的人數，呼籲逐家無需要傷過驚惶。
檢疫所前後攏搝封鎖線，人員嘛全副武裝無敢靠勢，閣有移工因為人無爽快，救護車趕緊共人送採檢。縣政府聽著這个情形，連鞭派人到附近消毒。
苗栗電子廠傳出疫情了後，有部份移工徙來到這間新竹縣檢疫所，雖然講地點合法無問題，毋過中人公司無照規定佇7工內通報，新竹縣政府決定欲罰這間業者30萬。
檢疫所這陣有39名移工蹛內底，一部份因為快篩陽性，目前等PCR結果，縣政府講附近會加強防疫措施，嘛會注意減少蹛的人數，呼籲逐家無需要傷過驚惶。
專題｜改造地獄路 台灣行人路為何難行？
