港媒指控新竹貢丸用瘦肉精豬 業者自清喝提告

有香港媒體進前報導講，新竹某一間貢丸是用有瘦肉精的美國豬肉做的。業者聽著消息也出面掰會，強調貢丸攏是台灣豬做的。另外也按對香港媒體提告。

豬肉經過機器那攪那撈，一粒一粒的貢丸就完成矣。有香港的媒體指出，一間新竹名產貢丸有使用精肉精萊克多巴胺超量的美國豬肉做原料，而且閣寫超標8.2倍，予點名的貢丸業者聽著消息，趕緊提出證明喝冤枉。
 
來到廚房豬肉廠商當咧送豬肉原料過來，袋仔頂懸，除了有寫中央畜牧場閣有日期，大賣場內底的冰箱頂懸嘛貼有標示，用的是對屏東來的台灣豬肉。
 
貢丸業者強調，家己的貢丸原料有送予公正單位做檢驗，面對香港媒體的不實指控，會提出告訴。