六四天安門事件32週年 民團按辦線頂活動紀念

中國六四天安門事件，就欲滿32冬，台權會等等的民間團體拍算舉辦「人權炤光民主、同行抵抗極權」的活動，除了會有線頂悼念的暗會、也準備佇自由廣場舉辦小型的實體活動，但是強調會遵守防疫規範。

今年是六四天安門事件32週年，台權會等等的台灣民間團體按算透過線頂記者會，強調六四屠殺是中國共產黨建黨一百冬袂當閃避的責任，佇國際反中國戰線之下，希望台灣社會通徛出來，串聯由泰國、香港等等反對極權統治的網絡社群牛奶茶聯盟。

台灣人權促進會秘書長施逸翔:「就是因為中國境內，閣有像天安門母親這種的良心，所以咱佇中國境外的各種的抗中運動，尤其是佇自由民主人權的台灣，咱就閣較無理由佮藉口，佇六四進前，佇六四彼工激恬。」

立委洪申翰表示，中國迫害pik-hāi人權的事件直直擴張khok-tiong，香港也已經兩冬予禁止紀念六四，台灣無理由來佯恬恬。華人民主書院也表示，紲落來初四彼工，也將會遵守防疫規範，舉辦相關悼念的活動。

華人民主書院倡議主任郭歷軒:「佇遵守防疫規範的政策下，以上嚴格的防疫態度，舉辦線頂為主的公民活動，而且提供亞洲唯一一个會使到場悼念的所在，佇自由廣場的微型悼念體。」

郭歷軒 hian表示,初4彼工主辦單位會佇自由廣場，排出六四字樣，希望參廣場牌樓呼應，也通予參與者獻花，遵守防疫規範，限制人數、保持社交距離，將六四精神佇台灣延續落去。