疫情繼續湠燒，國內電商和物流的運量大大增加，毋過這陣國內有知名的電商網站已經貼出公告，針對艋舺、板橋、中和、永和和蘆洲，為著防疫，攏暫停到厝鬥冰箱、冷氣等等大型家電的服務。
PChome公關主管賴佳妤:「因為這馬全台灣其實攏有確診的行蹤，所以配合的廠商攏會先問安裝的用戶，了解IN兜的狀況 ，才閣決定是毋是欲去安裝。」
民眾:「無一定講究一定愛人送，就延後，大型的家電就延後就好。」
冷氣裝修員林弘彬:「到人客厝內頭一件代誌，就是提這紅外線電子度針先量家己，才閣對人客。我們也是趁這个熱天，如果不幸確診，這个熱天就 bái-bāi 矣。」
