5/15.5/16國中會考 教育部加強防疫.降低風險

5月15、16這兩工、著欲舉行國中教育會考,照往過的慣例、佇考試前一工、會開放予學生、看考場。偏偏最近、國內疫情緊張,教育部也用上嚴格的防疫措施,希望共疫情的風險、降到上低

開放看考試場的時間到矣,學生陸續進入校園欲來看場地,入口的所在除了量體溫、酒精消毒以外,校方也特別控制看試場的學生人數
 
內湖高中教務主任 許修輔:「阮進前有開過防疫事務會議,會議中阮有要求國中端進行時間的分散,好來隔開人員之間的接觸,降低相關疫情的發生,等於是予in逐个學校協調一下,前後時間來學校就較無問題。」
 
這陣台灣本土疫情較緊張,各地方也攏提高警覺,毋過天氣較燒熱,嘉義縣長翁章梁呼籲,喙罨嘛是愛掛好勢。
 
嘉義縣長 翁章梁:「目前因為防疫期間會比較辛苦,天氣遮熱,掛喙罨 ,阮希望逐家較忍耐,予會考會當順利來舉行。」

教育部嘛提懸高防疫規格,特別加強三部分的措施。
 
教育部主任秘書 廖興國:「第一个阮會增加考場內底,設置酒精佮焦洗手等等的防疫用品的數量,第二个的部份會增加洗手台仔佮便所,環境衛生的消毒的頻率會提懸,第三個部份,阮會加派工作人員佇現場巡視。」
 
今年計共有20外萬名考生參加國中教育會考,因為疫情的關係,今年無開放陪考、而且愛配合量體溫、全程掛喙罨,學校也會針對考場的進出動線,進行管制,避免人潮聚集,學生若出現發燒,也會有第二類的備用試場會當來考試。

相關新聞

專題|全台敬老金大調查