慶祝母親節 明新科技大學外籍生設計花藝作品

禮拜是母親節,新竹一間科技大學的設計系,踮校園內底製作大型的花藝作品,予千里迢迢來臺灣讀冊的外籍學生,會當透過作品思念母親佮家鄉。

一陣自外國來台灣讀冊的外籍學生佮花合照,因為疫情的關係,無法度轉去過母親節,學校特別請in佇校園內,設計花藝作品,予in表達對母親的感謝。
 
越南學生陳氏慧:「對舊年到這馬一冬外矣,阮無法度轉去越南看媽媽,閣來也特別想厝,我希望這馬疫情會使變做較好,阮會使連鞭轉去佮媽媽做伙,佮媽媽的感情閣較好,因為踮遮是真想厝佮媽媽。
 
學校講對外國來台灣讀冊的學生,除了一般學業以外,閣有語言參文化無仝的挑戰。透過母親節,佇校園安排一个所在,予in會使翕相、共相片傳轉去予母親。
 
明新科技大學老師李明:「希望透過花園予學生毋但是母親節,佇任何時陣經過,透過花將愛佮溫暖分享予閣較濟的人。
 
學校希望透過這改母親節的活動,予無法度轉去厝內過母親節的外藉學生,佇台灣讀冊,嘛會使感受著厝內的溫暖。

全台敬老金大調查

相關新聞