調查:囡仔若愈要意網路人際 情緒恢復率愈低
洪敏真 莊沛文 / 台北報導
發布時間：
更新時間：
根據親子雜誌上新的調查發現，9歲至15歲的囡仔內底，若是規工佇網路傳訊息，in的情緒自我恢復率會較低，嘛較無自信，若有爸母和家庭的支持陪伴，對囡仔建立自信佮排解情緒，有直接正面的影響。
少年囡仔浸佇網路社群網站，欲綴時行的話題，也走揣同學的認同感，不過佇真實社會搪著困難、失志的時陣，敢有法度佇網路揣著寄託？
親子天下和金車文教基金會，今年3月，對全台灣9歲至15歲的少年家做調查，回收1萬7千外份的問卷，發現小學高年級以後的囡仔，會揣同學講心事，袂閣揣爸母，年歲愈大，就愈倚靠同學。另外，逐工用兩點鐘佇網路開講、傳訊息的囡仔，in的情緒自我恢復率較低，比較無自信。家長對囡仔的態度，也會直接影響囡仔的自我評價。
為著避免囡仔因為情緒困擾破病，甚至自殺。特別佇疫情時代，世界上真濟囡仔攏面對愛遠距離上課，難免情緒受著影響，好的人際連結、支持系統和陪伴，幫助囡仔消敨情緒、正面發展，袂當輕視。
少年囡仔浸佇網路社群網站，欲綴時行的話題，也走揣同學的認同感，不過佇真實社會搪著困難、失志的時陣，敢有法度佇網路揣著寄託？
記者：「平常時你心情無好的時陣，你攏按怎排解？」
螢橋國中學生朱庭萱：「我會耍手機仔，跳舞吧。」
螢橋國中學生朱庭萱：「我會耍手機仔，跳舞吧。」
記者：「敢會佮爸爸媽媽參詳代誌？」
螢橋國中學生朱庭萱：「無啥會，IN是會雄雄攑狂的彼種。佮同學較有話講。」
親子天下和金車文教基金會，今年3月，對全台灣9歲至15歲的少年家做調查，回收1萬7千外份的問卷，發現小學高年級以後的囡仔，會揣同學講心事，袂閣揣爸母，年歲愈大，就愈倚靠同學。另外，逐工用兩點鐘佇網路開講、傳訊息的囡仔，in的情緒自我恢復率較低，比較無自信。家長對囡仔的態度，也會直接影響囡仔的自我評價。
親子天下副總編輯蘇岱崙：「你是一个認為囡仔袂䆀的爸母，其實遮的囡仔IN的自我評價會較懸，爸母和IN的感情比朋友較好的情況下，遮的囡仔佇搪著困難的時陣，IN的復原力、忍耐力攏會較懸。」
為著避免囡仔因為情緒困擾破病，甚至自殺。特別佇疫情時代，世界上真濟囡仔攏面對愛遠距離上課，難免情緒受著影響，好的人際連結、支持系統和陪伴，幫助囡仔消敨情緒、正面發展，袂當輕視。
