嘉義推食農教育 鹿草國小設縣內頭座食農中心
林緯廷 / 嘉義報導
發布時間：
更新時間：
嘉義縣是農業大縣，除了拍拚轉型發展，學校嘛一直推動食農教育。過去是交各學校家己進行，這馬因為需要一个正式平台，整理分享學校的食農教育成果，鹿草國小就成立嘉義縣第一座食農教育資源中心。
教室內底的囡仔，當咧耍食農教育主題的桌仔耍，外口閣有各種無仝的食農教材。嘉義縣為著配合食農教育的提昇，除了有新啟用的食農教育中心，未來青農嘛欲入來學校內底，直接共學生上課。
嘉義縣食農教育第一階段以感謝土地，珍惜食物為主題，食農教育資源中心的成立，除了替食農教育升級，嘛欲整合資源，舉辦活動，希望改變一寡家長對農業的看法。
嘉義縣所在闊，山區佮海區的農業發展嘛攏無相☒sio-siāng，學校表示，這個資源中心會當分享山區佮海區學校推廣食農教育的研究佮成果。縣內的學生囡仔透過這些資料，會當閣較了解嘉義縣的農業發展佮土地精神。
教室內底的囡仔，當咧耍食農教育主題的桌仔耍，外口閣有各種無仝的食農教材。嘉義縣為著配合食農教育的提昇，除了有新啟用的食農教育中心，未來青農嘛欲入來學校內底，直接共學生上課。
百大青農蔡文惟：「阮會共所謂的生態佮生產，佮生活敆做伙，來教囡仔按怎去珍惜食物，然後去感恩食物。」
百大青農王素玲：「佇這食農教育資源中心猶未開始前進，其實佇庄跤所在 ，逐家攏一直希望透過小農一直匯集無仝的資源，帶動阮遮的較遠 較弱勢的鄉鎮。」
嘉義縣食農教育第一階段以感謝土地，珍惜食物為主題，食農教育資源中心的成立，除了替食農教育升級，嘛欲整合資源，舉辦活動，希望改變一寡家長對農業的看法。
嘉義縣鹿草國小校長葉炳成：「人講袂曉讀冊去種田，所以變成講作穡是上不得己，毋過阮透過遮的青農一寡成功的經驗，in入來會當予囡仔未來加一寡選擇，作穡嘛會當有誠好的將來。」
百大青農黃勝裕：「希望講逐家會當投入這个農業 ，自細漢從小釘根來做食農教育，予紲落來這代的囡仔會當替咱家己，發揚一个在地的本土品牌推廣到國際上。」
嘉義縣所在闊，山區佮海區的農業發展嘛攏無相☒sio-siāng，學校表示，這個資源中心會當分享山區佮海區學校推廣食農教育的研究佮成果。縣內的學生囡仔透過這些資料，會當閣較了解嘉義縣的農業發展佮土地精神。
專題｜改造地獄路 台灣行人路為何難行？
