潮州幼兒園招戲班教囡仔唱歌仔戲 趣味兼學臺語
陳嘉筠 賴威佐 / 屏東報導
發布時間：
更新時間：
屏東潮tio州幼兒園，特別揣在地、誠出名的歌仔戲班、而且是、當柱小生來教囡仔唱歌仔戲、學台語。In準備等學期結束、欲表演一齣歌仔戲，逐家攏認真排練，台語嘛自然愈講愈好。
「一座花轎扛到李家村，兩姓合婚皆團圓。」
囡仔唱出歌仔戲，雙手閣知影愛比，IN當咧排練孟母三遷的故事。教這陣囡仔的，是明華園第三代繡花園劇團的團主，伊幫囡仔改編這齣十分鐘的戲曲，準備學期結束上台表演。
金繡花園戲劇團團主董如玲：「先予in知影歌仔戲的曲牌按怎唱出來，按怎樣講口白，所以佇內底有曲牌，有口白閣有戲，聽久了後in就會曉唱，然後in的接受度嘛蓋好，in唱了蓋歡喜。」
其實遮的囡仔才學了無一個月，真緊就會曉唱歌仔戲，自然嘛會曉講台語。
大班學生郭依晴：「好耍，上好耍所在佇唱歌仔戲。」
「一座花轎扛到李家村，兩姓合婚皆團圓。」
囡仔唱出歌仔戲，雙手閣知影愛比，IN當咧排練孟母三遷的故事。教這陣囡仔的，是明華園第三代繡花園劇團的團主，伊幫囡仔改編這齣十分鐘的戲曲，準備學期結束上台表演。
金繡花園戲劇團團主董如玲：「先予in知影歌仔戲的曲牌按怎唱出來，按怎樣講口白，所以佇內底有曲牌，有口白閣有戲，聽久了後in就會曉唱，然後in的接受度嘛蓋好，in唱了蓋歡喜。」
其實遮的囡仔才學了無一個月，真緊就會曉唱歌仔戲，自然嘛會曉講台語。
大班學生郭依晴：「好耍，上好耍所在佇唱歌仔戲。」
潮州鎮長周品全：「因為咱的歌仔戲，咱的戲曲內底，基本演出攏總用台語來演出，所以透過歌仔戲 在地的特色，來教予遮囡仔了解，會當順紲學咱的台語。」
唱歌仔戲學台語，這是潮州幼兒園台語浸水式教學課程，IN是第三冬申請計畫。毋但唱歌仔戲，對幼幼班開始，做運動老師會講台語，一般生活課程、節日活動嘛攏用台語。
潮州七成的人母語是台語，囡仔輩煞攏無啥會曉講，佳哉真濟人厝內有阿公阿媽，老師嘛發見，這三冬來囡仔愈來愈gâu講台語，捷聽捷講台語就會進步。
唱歌仔戲學台語，這是潮州幼兒園台語浸水式教學課程，IN是第三冬申請計畫。毋但唱歌仔戲，對幼幼班開始，做運動老師會講台語，一般生活課程、節日活動嘛攏用台語。
潮州七成的人母語是台語，囡仔輩煞攏無啥會曉講，佳哉真濟人厝內有阿公阿媽，老師嘛發見，這三冬來囡仔愈來愈gâu講台語，捷聽捷講台語就會進步。
