臺南偏鄉捒食農教育 學生種作.收成.添生活體驗
陳嘉筠 賴威佐 / 臺南報導
發布時間：
更新時間：
臺南市有十間偏鄉學校，共教育就是生活的理念，編入課程內底，嘛請社區的民眾，抑是阿公阿媽做老師，親像善化的大同國小，是教學生做田、種麻仔，閣有收成、櫼油出來，學生講雖然過程真辛苦，毋過感覺足歡喜。
善化大同國小六年仔學生，逐家攏落田薅草，in兩個月前才佈田，這馬愛學薅草，這是in逐禮拜的課程，頂學期in才學種麻仔，嘛體會作穡人的辛苦。
學生作田種麻仔，這是大同國小的課程，學校專工租這塊地，請在地青農做老師，囡仔嘛體驗收成、榨油，最後做出一罐一罐的麻仔油。
毋但大同國小，臺南閣有其他學校，用教育就是生活的理念，規劃無仝的特色課程，親像教囡仔做手工香雪文、種仙草、研發仙草卵等等食品，共舊衫改造做揹仔。
佇生活中學習，囡仔感覺趣味，in嘛展現各方面學習的成果佮創意。
「除了稻仔以外的攏是雜草，咱來看今仔日，啥人手頭雜草上濟」
善化大同國小六年仔學生，逐家攏落田薅草，in兩個月前才佈田，這馬愛學薅草，這是in逐禮拜的課程，頂學期in才學種麻仔，嘛體會作穡人的辛苦。
大同國小學生林秉憲：「我共阿公講，看著這坵田足大片、足熱，用徛的足辛苦，收成的時陣足歡喜。」
大同國小學生潘君睿：「雖然足熱，毋過毋免上課嘛足歡喜。」
學生作田種麻仔，這是大同國小的課程，學校專工租這塊地，請在地青農做老師，囡仔嘛體驗收成、榨油，最後做出一罐一罐的麻仔油。
在地青農楊佳璋：「對農作物會較熟似、珍惜，較了解，知影麻仔油是按怎來的。」
大同國小學生：「真歡喜，雖然過程辛苦，看著油，就親像看著家己的囡仔。」
毋但大同國小，臺南閣有其他學校，用教育就是生活的理念，規劃無仝的特色課程，親像教囡仔做手工香雪文、種仙草、研發仙草卵等等食品，共舊衫改造做揹仔。
大同國小教導主任王瓊秋：「囡仔的學習不只課本，伊生活中，長輩留落來的好智慧，in嘛是愛做伙學習。」
專題｜改造地獄路 台灣行人路為何難行？
