手工版畫創作尪仔冊 張秀毓望記錄臺灣人文風景

這幾冬愈來愈濟臺灣繪本作家出版家己創作的繪本,今仔日有一本臺灣囡仔的瓷仔藝術繪本出版,而且是用手工版畫來創作。高雄市立圖書館今年閣特別提供獎金,支持臺灣本土創作,嘛協助作者出版繪本。

佮這陣囡仔做伙講故事,伊是張秀毓,嘛是這本〈逐家做伙來耍塗〉的作家,伊予囡仔耍黏塗,感受做瓷仔的過程,嘛講出這本冊,阿公佮伊查某孫的故事,故事內底的蛇窯、瓷仔,閣有祖孫的感情,攏是台灣在地的風景佮人文。

張秀毓捌做過美術老師,伊攏用版畫來創作台灣本土故事,這是伊第五本繪本,毋但講老師傅的故事,嘛教囡仔做瓷仔的智識,高雄市立圖書館今年是第一擺獎勵台灣作家,創作本土繪本,毋但有20萬獎金,嘛會協助三位得獎者出版in的作品。

台灣的繪本市場,猶是以國外知名繪本為主,高雄市立圖書館,希望會當支持閣較濟台灣本土作家,繼續創作本土繪本,滋養台灣囡仔的心靈。
 

相關新聞

專題|全台敬老金大調查