臺灣圖書室完成整修重開幕 繼續推廣臺灣文化 | 公視新聞網 PNN

臺灣圖書室完成整修重開幕 繼續推廣臺灣文化

台灣圖書室自20外冬前,就佇推捒台灣文學、調查地方文史,舊年透過嘉義市政府的補助翻厝,昨昏重新營運。台灣圖書室文化協會表示,這擺的修整重新展現檜木建築的結構、增加使用的空間。未來會閣較注重、台灣文學的收藏。

木造天篷的結構,冊架仔頂面攏是台灣文學作品,1995年佇嘉義成立的台灣圖書室,2011年對原本的地下室徙來遮了後,因為空間無夠用,舊年提著嘉義市的補助整修,17這日重新對外開放。
台灣圖書室長久以來佇嘉義投入文化資產保存佮文史調查的工課,in希望會當共調查保存的資料,成做是嘉義學的內容,利用新增加的空間,辦理課程活動,傳承予在地的少年朋友。

經過半冬外的修整,台灣圖書室佇隔壁閣增加一个會當使用的空間,也恢復(khue-ho̍k)這間檜木的建築原來的模樣,台圖表示,會延續蔣渭水創立台灣文化協會的精神,繼續推捒地方文學、台語文佮台灣文學,嘛也成做公民社會運動的基地。
 

相關新聞

留言區