臺中梧棲區頂寮里，社區序大耍樂器烏克麗麗，結合台語的七字仔，唸RAP來紹介地方。嘛有共往過頂寮遮的故事搬做舞台劇。

手裡攑烏克麗麗那彈那唱歌，毋過詳細共聽，這陣社區的長輩，是唱台語的七字四句聯，來紹介in的家鄉。

遮是臺中梧棲的頂寮里，社區的長青學苑毋但教遮的長輩彈烏克麗麗佮唱歌，嘛結合用地方往過出版的冊所改編的舞台劇，tshua7遮的長輩做伙來演出漁村的故事。

雖然遮的長輩愛投入真濟時間佮氣力，來學習新的樂曲佮樂器，猶閣愛一步一步來排練舞台劇，毋過in也真歡喜會當食甲老學甲老，嘛會當結合in的母語，來予愈濟外地人佮序細了解本土的文化。