本土題材敆臺語 "守娘"有聲尪仔冊說清代奇案 | 公視新聞網 PNN

本土題材敆臺語 "守娘"有聲尪仔冊說清代奇案

愈在地、愈國際。臺灣有畫尪仔冊的畫家,提臺灣四大奇案之一的「陳守娘」來創作。文策院也共這个作品增加臺語配音,透過音樂設計,予民眾了解臺灣在地的故事。

尪仔冊《守娘》,是府城三大奇案其中一案,故事背景發生佇200年前,一位無縛跤的少女所發生的神秘故事,內容也寫出清代台灣女性的悲歡佮哀愁,負責台語審定的鄭順聰老師表示,欲按怎將尪仔冊的理路翻做台語,其實無遐爾仔簡單

除了需要掠著台灣話的精神,《守娘》的音樂製作時間設定也誠重要,無仝時代拍鐵仔的技術無仝,也會影響樂器的聲音,負責整體音樂製作的柯志豪講,這个時陣就愛靠經驗來判斷

這遍的尪仔冊有聲計畫,除了予台語出現新的表現模式,參與製作的樂團、音樂工作者,嘛感覺真趣味,予台灣本土的語言、音樂創作參尪仔冊作品,出現精彩的結合,除了守娘外,閣有其他五部台灣本土的尪仔冊參與有聲計畫,向望透過迒界的合作,予台灣尪仔冊有濟種表現的可能性。

相關新聞

留言區