嘉義市國校辦捌字班 助新住民適應臺灣生活

嘉義市有一陣新住民利用暗時,佇大同國小佮民族國小認捌臺灣的文字佮文化。其中大同國小的捌字班,辦到今已經二十冬矣,有的老師是注重生活上的使用,嘛有人用趣味的方式來上課。

為著欲予來到台灣的新住民了解在地的文化佮習慣,嘉義市利用暗時,佇民族、大同兩間國小內底,辦理新住民認捌台灣文字的課程。有的老師是注重生活上的使用,嘛有老師用趣味的方式來上課。總是希望會當協助新住民,透過文字,適應佇台灣的生活。

上課進前先招逐家來跳舞,大同國小的新住民識字班,上課內容誠趣味,閣有人上課已經上了20冬。

文字是生活佮認捌文化需要用著的工具,新住民本身佮家屬,攏感覺學了有進步。

上課的老師表示,來自東南亞的新住民,過去因為較濟是勞動人口,所以厝內的人攏無支持in來上課。毋過這馬社會風氣轉變,這種情況已經改善真濟,新住民識字班目前除了協助新住民累積時數申請居留,也成做都市內底新住民互相關心聚會的所在。

全台敬老金大調查

相關新聞