臺北設AI青紅燈 自動冗過路時間.發挵紅燈警告

臺北市交通局對2019年開始,佇13个路口的青紅燈裝AI設備,若是偵測著有過路人行袂赴,就會增加過路人這爿青燈的時間;今年閣再加上CMS電子看板,若有過路人傱過紅燈,就會提出警告。

為著欲解決這个問題,台北市交通局對2019年開始,佇13个路口裝AI設備,若是偵測著有人佇青紅燈時間結束進前行袂赴到,就會增加時間。今年閣再加上CMS電子看板,若是偵測著有人挵紅燈,就會發出警告。
 
根據交通局的統計,設置CMS進前,平均逐工有45.7件行路人違規,設置CMS了後,違規的件數降低至22.8件,是減少百分之五十的違規事件。

交通局表示,公車站若是設佇咧路中央,就較捷出現民眾挵紅燈的行為,這套CMS系統的成效會觀察到8月,若是效果袂䆀,就按算設佇這種所在,提升路口的安全。

全台敬老金大調查

相關新聞