全臺欠水 北埔觀音亭免錢的泉水唌人貯水

這站仔全臺灣水情緊張,各地的水庫水量攏得欲探底,毋過新竹縣北埔有一間觀音亭,攏有山泉水免費提供,最近有愈來愈濟民眾來遮貯水轉去用。

水庫的水位,看起來並進前閣較低矣,欠水愈來愈嚴重,各地民眾攏開始煩惱無水通用。

水道頭捘開,民眾趕緊接水管對桶仔內底注水,邊仔閣有幾若的桶仔排咧等,新竹縣北埔這間廟寺,過去以來就一直有提供山泉水,予在地民眾用來泡茶。這馬拄著欠水,來這爿貯水的民眾愈來愈濟。

水情緊張,廟方歡迎逐家來遮免費貯水轉去用,猶毋過嘛提醒民眾,山泉水雖然講啉起來甘甜,使用進前嘛是愛先燃予滾才安全。

全台敬老金大調查

相關新聞