嘉義高齡勞動力論壇 助有工作意願序大參與勞動 | 公視新聞網 PNN

嘉義高齡勞動力論壇 助有工作意願序大參與勞動

嘉義縣高齡人口比率已經來到20.25%,代表進入「超高齡社會」。為著欲揣出中高齡佮高齡者的勞動價值佮規劃安排,國內外各界的代表,13這工佇中正大學召開銀髮勞動力論壇,希望事業單位佮企業團體會當了解,未來勞動力的趨勢佮調整的方向。 
 
人力銀行的統計數字,國內45歲以上中高齡者,佮65歲以上高齡者揣頭路的狀況。勞動部勞動力發展署佮嘉義縣政府、中正大學,佇十三這工共同舉辦高齡勞動力論壇,希望會當替高齡者增加勞動參與的機會。

嘉義縣是農業縣,而且老人比率閣是全國上懸,為欲協助作穡的序大有機會閣揣著頭路,而且閣會當學著新的技術佮智識,嘉義縣政府佮中正大學也簽署合作備忘錄,希望會當產官學合作,協助嘉義縣想欲揣頭路的高齡者。

嘉義縣中高齡的人口數大約有將近26萬人左右,勞動力發展署雲嘉分署表示,配合農業是嘉義縣主要的產業,目前主要攏是揣符合in經驗的相關工課,希望會當改善嘉義縣中高齡佮高齡者的就業情況。

相關新聞

留言區