高雄推動智慧公園 線頂就通觀賞湳地生態 | 公視新聞網 PNN

高雄推動智慧公園 線頂就通觀賞湳地生態

高雄的湳仔地佮公園生態豐富,市府今年欲佇3搭湳仔地、2座公園,安鏡頭,共影像隨傳去網路頂懸,予民眾毋免出門,就會用欣賞著濕地生態,嘛會當加強公園的監控管理。

高雄蓮池潭邊仔的洲仔濕地,9公頃的面積無講蓋大,煞有四百外種植物,嘛發現菱角鳥等等百外種的鳥仔,最近市府佇遮裝設2支鏡頭,面對濕地,24點鐘共現場影像傳去網站,予民眾觀賞。

洲仔濕地是第一个試辦的所在,這馬上網站,會當看著濕地即時的狀況,養工處當咧改裝會當轉動的鏡頭,影像會閣較清楚。除了洲仔濕地,閣有永安、茄萣,遮的會當看著烏面抐桮的濕地,今年攏會裝,另外閣有鳳山2座市區大型公園,除了觀察生態,嘛會當加強管理,按算七月就會完工。

地方贊成利用科技來監控濕地佮公園,嘛建議若是經費有夠,會當針對特殊生物錄影監測,會當避免人為干擾,閣較有教育意義。

相關新聞

留言區