咱頭隻自動駕駛公車 測試若順利.明年3月起行 | 公視新聞網 PNN

咱頭隻自動駕駛公車 測試若順利.明年3月起行

全臺灣第一台,欲駛佇市區車路的自動駕駛公車,按算這個月15,欲佇高鐵新竹站附近,做夜間無載人客的實驗測試,若是一切正常,按算8月開始,提供載客服務,明年3月正式佇新竹縣的市區,提供公車的服務。

未來公車就親像這款模樣,變做無人的自動駕駛車,透過車頂的8粒感測器佮智慧裝置,提升安全性,萬一拄著狀況,會使馬上自動停落來。

這改較特別的是利用車聯網技術,結合路側系統整合通訊、猶閣青紅燈設施,來提升安全性。另外智慧等車的亭仔,會使偵測等車的人是濟抑少,隨時調整出車。

新竹縣自動駕駛公車計劃,拄開始是以無載人客,逐工對暗時10點到隔工翻點1點做測試;後期換做早起測試,若是順利進行,紲落來才會開始載人客,上後階段就是市區公車實際營運。
 

相關新聞

留言區