改編歷史5大奇案 "阮劇團"用臺語搬出臺灣古 | 公視新聞網 PNN

改編歷史5大奇案 "阮劇團"用臺語搬出臺灣古

佇臺語表演藝術拍拚18冬的「阮劇團」,4月中欲巡迴演出「十殿」這齣戲。這齣舞台劇搬演5點鐘,in已經準備2冬,往過in攏改編國外的故事來演,這擺欲搬臺灣古。

驚人的刑事案件,過去的歷史事件,阮劇團改編五大奇案的新作品「十殿」。第一部奈何橋一開始,就有沉重的氣氛佮宗教鬼神的元素。

十殿這齣戲分作「奈何橋」佮「輪迴道」兩个部份,兩部份攏是2點半鐘。阮劇團表示,過去in改編的經典作品攏是國外的故事,這擺想欲佇國家表演藝術中心,用台語來講台灣的故事。

第二屆國家表演藝術中心三館共製的作品,就是阮劇團開兩冬時間籌備的十殿。嘉義縣政府表示,嘉義製作的好劇本欲佇國家表演藝術中心來演出,為著欲予in會當有好表現,特別提供場所予in排演,嘛安排初八初九這兩暝,予嘉義在地民眾,搶頭前看這齣好戲。
 

相關新聞

留言區