帕金森氏病冗早手術.藥物治療 維持生活品質

誠濟人叫是"帕金森"氏症,是濟歲人才會致病,其實這幾冬,開始有較少年的人嘛破病。醫師講,除了傳統的藥物通好治療,這馬手術治療,健保嘛有給付,配合吃藥仔,就會當維持患者的生活品質。

今年50外的張先生牽醫生,一步一步行了真好勢,其實張先生40歲的時,予醫生診斷出帕金森氏病,經過治療了後是好真濟,這馬出門行5公里嘛無問題。

除了藥物治療,張先生閣接受「深部腦刺激手術」,這種手術毋但減輕症頭、嘛會使減少藥物的使用、食藥仔造成的副作用嘛著減少,手術一遍效果會當維持7至10冬。

切雞卵糕,慶祝張先生治療了真好勢;北醫大附設病院神經內科主任葉篤學表示,可能是逐家對這个病開始有較濟的關心,最近有發見較少歲(tsió-huè)的人嘛確診帕金森氏病;醫師強調,較早發現、較早治療,就會使維持生活品質。
 

全台敬老金大調查

相關新聞