兒童藝術節 "樂高大師"用柴角仔疊出新竹市府

今年新竹市的兒童藝術節,特別邀請全台灣唯一提著認證的,疊樂高柴角仔的大師黃彥智,用樂高零件打造出縮小100倍的新竹市政府,閣有6倍大的新竹名產貢丸湯。
 
這碗貢丸湯看起來真特別,全部攏是疊仔(thia̍p-á)疊出來的,頂頭閣有芹菜,予人看了是真想欲捀來食,除了貢丸湯,新竹市政府內底,仝款用疊仔疊出來的大型tshit迌物是滿四界,逐个囡仔攏耍了真歡喜。
 
現場上特別的,是這座以新竹市政府做主題,打造出來的作品,模樣就佮市政府一模一樣,閣有新竹市長徛佇頂懸。
 
新竹市的兒童藝術節逐年攏受著真濟人歡迎,對今仔日開始連紲10工的展覽,拄著連續假期,有希望為新竹市吸引閣較濟觀光人潮。
 
 
 

相關新聞

專題|全台敬老金大調查