同志袂當共同收養無血緣囡仔 今提告爭權益

同性婚姻佇臺灣施行欲兩冬,但是同性的配偶,目前是干焦會使收養配偶的親生囡仔,配偶的囡仔若是獨身的時所領養的,另外一位配偶,是無法度成做囡仔的家長。民間團體團今仔日宣佈,會透過三對同志收養家庭,來拍官司,爭取in的權利。


748號施行法 佇2019年通過了後,同性伴侶會使結婚,但是煞發見干焦會使收養配偶的親生囡仔,若是配偶單身時收養的囡仔,另外一方並無法度佇法律上成做囡仔的家長。

民間團體初一宣佈,欲透過三對同志收養家庭來拍收養聲請的訴訟,爭取同志收養家庭的權利。

民間團體表示,目前同性伴侶嘛無法度共同收養囡仔,毋過這个問題是較僫有訴訟目標會使來行司法的程序,共同收養的問題,目前干焦會當透過立法的方式來拍拚。

 

相關新聞

專題|全台敬老金大調查